അദ്ദിക്ർ

ആരാണോ ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ സത്യപ്പെ ടുത്തി ജീവിക്കുന്നത്, അവന് നാം എല്ലാ കാര്യങ്ങളും എളുപ്പമാക്കിക്കൊടുക്കുമെന്നും ആരാണോ അതിനെ തള്ളിപ്പറഞ്ഞുകൊണ്ട് പിശുക്ക് കാണിക്കുകയും സ്വയം പര്യാപ്തത നടിക്കുകയും ചെയ്യുന്നത്, അവന് നാം എല്ലാ കാര്യങ്ങളും പ്രയാസമാക്കുന്നതാണ് എന്നും 92: 6-10 ല്‍ പറഞ്ഞിട്ടുണ്ട്. എല്ലാ പാപങ്ങളും ഒരുമിച്ച് പൊറുത്ത് കിട്ടുന്നതിനുള്ള രണ്ട് ഉ പാധികള്‍ 39: 53-55 ല്‍ പറഞ്ഞിട്ടുള്ളത് ഇങ്ങനെയാണ്: (1) മരണം ആസന്നമാകുന്നതി ന് മുമ്പ് ആത്മാവുകൊണ്ട് ആത്മാവിന്‍റെ ഉടമയിലേക്ക് തിരിയുകയും സര്‍വസ്വം അവന് സമര്‍പ്പിച്ചുകൊണ്ട് പാപമോചനം തേടുകയും ചെയ്യുക (2) 10: 26 ല്‍ വിവരിച്ച പ്രകാരം ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ പിന്‍പറ്റേണ്ട വിധം പിന്‍പറ്റുക. 41: 43 ല്‍, നിനക്ക് മുമ്പുണ്ടായിരുന്ന പ്രവാചകന്മാരോട് പറയപ്പെട്ടിട്ടില്ലാത്ത ഒന്നും തന്നെ നിന്നോട് പറയപ്പെടുന്നില്ല, നിശ്ചയം നിന്‍റെ നാഥന്‍ പാപമോചനം നല്‍കുന്നവനും വേ ദനാജനകമായ ദണ്ഡനം നല്‍കുന്നവനുമാണ് എന്ന് പറഞ്ഞിട്ടുണ്ട്. 2: 2, 38; 10: 6, 62-64; 11: 114-115 വിശദീകരണം നോക്കുക.